PUNGUAN DOS ROHA HUMBANG

Sekretariat: Jl. Lembah Damai Kampung Bukit Rumbai  0812 6819 7577

Rumbai, 5 Maret 2011

Mandapothon na pinarsangapan

Sude Natuatua dohot Anggota Punguan

DOS ROHA HUMBANG

Di_

            Lembah Damai - Rumbai

            Hal       : Undangan Rapat

Hombar tu naung tahatai jala tatotophon di Pesta Bona Taon na di tanggal 15 Pebruari 2011 na salpu i, jala naung tinolpan ni sude natuatua dohot anggota na hadir di pesta i jadi do patupaon ni punguanta Rapot Anggota laho padasiphon Anggaran Dasar dohot Anggaran Rumah Tangga ni  Punguan Dos Roha humbang.

Marhite i ma  haroronami sian pengurus ni Punguanta, mangundang hita saluhutna, asa marneang ni langka hita ro mandohoti Rapot Anggota Punguan Dos Roha Humbang, i ma na naeng sipatupaonta di:

Ari/Tanggal                : Minggu, 12 Maret 2011

Pukul                           : 19.00 (Jam 7 bodarina)

Inganan                       : Jl. Lembah Damai, Bagas ni Kel. Op. Putri br Sianipar

Materi Rapot             : 1. Padasiphon Anggaran Dasar dan Anggaran Rumah  Tangga

  2. Manjalo  usul dohot masukan na denggan sian sude anggota

Songon i ma hupasahat hami undangan on. Sai dipatiur Tuhanta ma pardalannamuna, jala dipadao nasa abatabat sian hita sude.

Asa dohononnami ma:

Tinampul hau sada disandehon tu hau sitorop

Poltak bulan di ginjang di toru ombun sumorop

Nang pe naung tingkos pamerengan sabunganna mata torop.

Tampakna do tajomna, rim ni tahi do gogona

Molo dung dos rohanta, sai na tulus do sude angka na tasangkapi.

Siala haroromuna, hupasahat hami mauliate.

Tabe mardongan tangiang sian hami

Ketua Punguan                                                                      Sekretaris

St. J. Sihombing                                                                     St. T. P. Silaban

Note. Ta-SMS angka donganta asa renta mandohoti Rapot i.!